Шэрая сцяна на вуліцы Герасіменкі стала творам дзіцячага мастацтва. У Завадскім раёне прайшоў конкурс малюнка сярод маладых графітыстаў. Усяго на сцяне з’явілася пяць малюнкаў ад розных каманд маладых мастакоў. У стварэнні ўласнага шэдэўра палёт фантазіі дзяцей абмяжоўваўся толькі тэмай экалогіі. Набор інструментаў для малявання таксама быў разнастайным – ад класічных для стылю графіці балончыкаў з фарбай да звычайных мастацкіх пэндзлікаў.
Тут жа ўзнагародзілі і пераможцаў конкурсу на лепшы дзіцячы малюнак. Гран-пры атрымалі навучэнцы ясляў-сада №525.
