Снегапад дадае працы камунальным і дарожным службам Мінска і Мінскай вобласці. Пасля начных і ранішніх ападкаў узровень снежнага палатна павялічыўся. Уборачная тэхніка аператыўна ачышчае праезную частку, тратуары.
У Лагойску спецмашыны працуюць як у цэнтры горада, так і ў дварах. Тут дапамагае малагабарытная тэхніка. Работнікі камунальнай службы таксама расчышчаюць пешаходныя дарожкі паблізу дамоў, лесвіцы і апрацоўваюць іх супрацьгалаледнымі матэрыяламі.
З-за перападаў тэмпературы - начнога невялікага мінуса і дзённай адлігі - пакрыцце становіцца слізкім. Пешаходам варта рухацца больш асцярожна і выконваць правілы бяспекі ў галалед.
