Аб гэтым сёння гаварылі ў Камітэце дзяржкантролю. Сёлета па выніках сумеснай працы кантралюючыя і наглядныя органы зрушылі акцэнты з праверак на прафілактычныя мерапрыемствы. Сёння ў прыярытэце маніторынгі, па выніках якіх суб'ектам гаспадарання даецца магчымасць выправіць свае парушэнні без штрафных санкцый. Паступова ідзе пераход на сістэму выбарачных праверак.
За апошнія 10 месяцаў кантралёры знізілі колькасць сваіх праверак больш чым у два разы. У цэлым па краіне колькасць выбарачных рэвізій на першае паўгоддзе 2019 года запланавана менш практычна ў 10 разоў.
