Сапраўдная летняя спякота ў пачатку тыдня здалася нам першакрасавіцкім жартам прыроды. Такія "тэмпературныя арэлі" могуць збіць з толку каго заўгодна. Аграрыяў, напрыклад. Але не ківаць лішні раз на надвор'е, не скардзіцца на санкцыі і працаваць на вынік - менавіта такі арыенцір задае Прэзідэнт Беларусі.
І ў паездцы па Гродзенскім рэгіёне, і пазней, узгадняючы новыя кадры, Аляксандр Лукашэнка імкнецца данесці простую думку: "Не будзем сёння добра працаваць ва ўсіх сферах - загінем!" Канкурэнцыя жорсткая, час няпросты. Ён дыктуе саюзнікам Беларусі і Расіі галоўнае: умацоўваць супрацоўніцтва і кааперацыю.
"Парадак б'е клас" - скажа Прэзідэнт. Маючы на ўвазе, што з дысцыплінай зможам больш. Шматлікае залежыць і ад каманды - на ўсіх узроўнях. Добры калектыў і выразная сістэма працы - важная перавага, калі прыходзіцца біцца за месца пад сонцам, за рынкі, за перамогу.
Каманда "робіць гульню" і на лёдзе. У гэтым упэўніліся нашы журналісты, якія ўвесь тыдзень ездзілі за кіраўніком дзяржавы і даведаліся нават сакрэты лядовай дружыны Прэзідэнта (падрабязнасці ў відэа).
