Новая інфекцыйная бальніца і дзве паліклінікі з'явяцца ў Мінску. Узвядуць інтэрнат для медыкаў, а ў Сокале адрамантуюць амбулаторыю. Маштабны апгрэйд чакае сталічную сістэму аховы здароўя. У 11-й бальніцы, напрыклад, працягваецца будаўніцтва хірургічнага корпуса. Асноўныя работы над фасадам зараз завяршаюцца, часткова ўзяліся за аздабленне. Новы медыцынскі аб'ект зможа прыняць да 600 пацыентаў. Там абсталююць 9 аперацыйных, з'явіцца таксама высокадакладны тамограф на 128 зрэзаў; апараты ультрагукавой і рэнтген-дыягностыкі. Спецыялізаваную дапамогу будуць аказваць адразу па некалькіх профілях. Сярод іх траўматалогія і артапедыя, мікрахірургія вачэй і ЛОР-аддзяленне.
На новы ўзровень выйдзе і аказанне медыцынскай дапамогі пацыентам у 5-й бальніцы. Там рэканструююць неўралагічны корпус, плюс да яго дадаткова ўзвялі прыёмна-дыягнастычны цэнтр. Для высокай дыягностыкі з'явяцца апараты КТ і МРТ. Будзе працаваць новая лабараторыя, два рэанімацыйныя аддзяленні і аперацыйныя. Дарэчы, дзве з іх прызначаны для нейрахірургіі з перасоўным апаратам КТ і мікраскопам.
Будаўніцтва і мадэрнізацыя аб'ектаў аховы здароўя заўсёды комплексная. Так, у сталіцы працуюць над новым корпусам 4-й бальніцы і праектуюць медыцынскі цэнтр па вуліцы Маякоўскага. Акрамя гэтага, знакавай падзеяй сёлета стане адкрыццё Цэнтра трансплантацыі касцявога мозгу і ствалавой клеткі ў профільным Навукова-практычным цэнтры Мінска.
