Як правільна падабраць зімовыя шыны, расказаў майстар СТА

У прагнозах - мінус і мокры снег. Таму вадзіцелям самы час рыхтаваць аўто да зімы. Праверка важных тэхнічных вузлоў перад надыходам маразоў - гарант упэўненасці падчас руху. Важная акалічнасць бяспекі - шыны па сезоне. І тут чакаць каляндарнай зімы не варта. Дарожныя парады сабраў Ілья Цвяткоў. 

Выпрабаванне на марозаўстойлівасць - наперадзе ва ўсіх вадзіцеляў Мінска. Ноччу на тэрмометрах ужо ўсё часцей мінус, а гэта значыць, што справа ідзе да зімы. Тым, хто яшчэ не паспеў падрыхтаваць сваё аўто, трэба паспяшацца і выканаць цэлы комплекс працэдур. Таму лепш хутчэй ехаць на станцыю тэхабслугоўвання.

На многіх пунктах тэхнічнай дапамогі для аўто запісвацца трэба загадзя. Жадаючых правесці комплексны агляд свайго транспартнага сродку ўсё больш. У спісе неабходных маніпуляцый: замена масла, праверка сістэмы ахаладжэння і рэвізія тармазной сістэмы.

Аляксандр Пячэнік, дырэктар станцыі тэхабслугоўвання: Мы заўсёды раім праходзіць абслугоўванне комплексна. Гэта і замена фільтраў, каб не пацелі вокны, гэта і масла ў рухавіку і каробцы, гэта і праверка фарсунак і магістраляў шклоамывальнікаў: яны павінны працаваць бездакорна. Каб не падвесці вадзіцеля ў патрэбны момант.

Галоўны элемент бяспекі на дарозе - правільна падабраны зімовы "абутак" для аўтамабіля. Якасная гума дазволіць скараціць тармазны шлях і ўпэўнена выконваць манеўры.

Уладзімір Трацэнка, майстар станцыі тэхабслугоўвання: Мы раім глядзець на год выпуску гумы. Чым ён старэй, тым цвярдзейшай становіцца. Яе трэба змяняць на новую. Акрамя таго, вось маркеры зносу. За імі трэба сачыць. Калі яны ўжо з'явіліся, то якасць спрацоўкі пратэктара меней эфектыўныя.

"Пераабуць" сваё аўто раіць і Дзяржаўтаінспекцыя. І зрабіць гэта да таго, як дарожнае палатно пакрые снег і галалёд. 

Паводле правілаў, зімовыя шыны трэба выкарыстоўваць з 1 снежня па 1 сакавіка. У гэты перыяд за язду на летняй гуме можна атрымаць штраф. Сачыць варта і за рэшткавай вышынёй пратэктара. Яна павінна быць не меншай за 4 міліметры.