45 гадоў на адукацыйнай арбіце. 12-я гімназія сталіцы адзначае дзень нараджэння. Лепшым педагогам уручылі ўзнагароды, у тым ліку нагрудныя знакі "Выдатнік адукацыі".
Высокі ўзровень ведаў у навучальнай установе забяспечваюць дзякуючы прафесійным кадрам, а таксама профільным класам і абсталяваным рэсурсным цэнтрам, працуюць у гімназіі і творчыя студыі. Пра шматгранную канцэпцыю ведаў расказала Алена Вітко.
Крэатыўны падарунак ад малодшых вучняў. Менавіта з крылатага сімвала мудрасці і пачынаецца знаёмства дзяцей з 12-й гімназіяй. Тут працуе школа ранняга развіцця "Савяня". Падрыхтоўку будучых першакласнікаў курыруе Алена Васько. Яна ж настаўнік пачатковых класаў (і прадаўжальнік сямейнай дынастыі). А гэтыя непаседы стануць для педагога пятым выпускам.
Пра складанае проста і наглядна: лега-канструктары, напрыклад, выкарыстоўваюць на ўроках матэматыкі, "вітамінкі грамацея" - на занятках па рускай і беларускай мове. А яшчэ інтэрактыўныя гульні, мультымедыя. У педагагічным арсенале Марыны Ізгачовай дзясяткі методык. Марына Валер'еўна ўспамінае, як у дзяцінстве яе натхніў прыклад сваёй настаўніцы: мара спраўдзілася! Разам з навучэнцамі пачатковых класаў па свеце ведаў педагог падарожнічае каля 30 гадоў.
Праца паспяховая. Гэта пацвярджае і нагрудны знак "Выдатнік адукацыі". Разам з Марынай Ізгачовой на сцэну выйшла Алена Васько. Усяго ж у гімназіі ганаровага тытула ўдастоены 20 педагогаў. З нагоды 45-годдзя навучальнай установы ўручылі і іншыя ўзнагароды - адзначылі больш за 80 чалавек.
За ўвесь перыяд 12-я гімназія дала сваім выпускнікам больш за 4 тысячы пуцёвак у дарослае жыццё. Прычым паўтысячы выпускнікоў сталі медалістамі. Падзякаваць педагогам і павіншаваць альма-матар у дзень нараджэння прыйшлі больш за 200 ганаровых гасцей: ветэраны працы і прадстаўнікі ўлады, бацькі вучняў і студэнты. Падрыхтавалі творчыя падарункі, узгадалі і дасягненні гімназіі.
Толькі ў гэтым навучальным годзе гімназісты прывезлі больш за 70 дыпломаў з раённых алімпіяд. Некаторыя сталі лаўрэатамі гарадскога этапу, зараз жа рыхтуюцца да рэспубліканскага. У перспектыве таксама 11 залатых медалёў і адзін сярэбраны.
Сярод важных заслуг і стапрацэнтнае паступленне ў ВНУ. Вызначыцца з прафесіяй падлеткам дапамагае профільнае навучанне. Працуюць эканамічныя, інжынерныя, медыцынскія класы.
Хіміка-біялагічнаму кірунку ўжо 30 гадоў. За гэты час 850 выпускнікоў гімназіі сталі ўрачамі (ёсць нават медыцынскія дынастыі ў некалькі пакаленняў). Таксама шмат і лінгвістычных трыумфаў. Кітайскую мову, напрыклад, выкладаюць ужо 18 гадоў.
