У гонар Дня абаронцаў Айчыны і стагоддзя Узброеных Сіл Беларусі ў паўночным рэгіёне стартаваў стакіламетровы марш-кідок.
Удзельнічаюць у ім разведчыкі 103-й асобнай гвардзейскай паветрана-дэсантнай брыгады. Ім трэба будзе прайсці па маршруце Віцебск - Гарадок - Езярышча. Падчас лыжнага пераходу дэсантнікі ўскладуць кветкі да помнікаў і воінскіх пахаванняў.
Вадзім Лукашэвіч, намеснік камандзіра 103-й асобнай гвардзейскай паветрана-дэсантнай брыгады ВС Беларусі:
"Асноўная мэта гэтага мерапрыемства - аддаць даніну павагі абаронцам усіх пакаленняў. У мерапрыемстве ўдзельнічаюць самыя лепшыя вайскоўцы нашага славутага злучэння. Выбралі самых адказных, самых фізічна падрыхтаваных".
Ужо заўтра ўдзельнікі лыжнага пераходу сустрэнуцца з расійскімі дэсантнікамі - яны ажыццяўляюць аналагічны марш-кідок на тэрыторыі сваёй краіны. У гарадскім пасёлку Езярышчы пройдзе ўрачысты мітынг.