Сёння дэпутаты Палаты прадстаўнікоў прынялі ў першым чытанні законапраект аб змяненні закона аб СМІ. Дакумент распрацаваны ў адпаведнасці з абноўленай Канстытуцыяй Беларусі і актуальны, як адзначыў міністр інфармацыі Уладзімір Пярцоў, з улікам глабальных геапалітычных змяненняў, новых эканамічных, тэхналагічных рэалій, выклікаў і пагроз.
Законапраектам прадугледжваецца ўвядзенне механізма прыняцця сіметрычных мер у дачыненні да замежных СМІ, якія дзейнічаюць на тэрыторыі рэспублікі, калі будуць пацверджаны недружалюбныя дзеянні замежных дзяржаў у дачыненні да СМІ нашай краіны. Таксама плануецца ўрэгуляваць асаблівасці функцыянавання навінавых агрэгатараў і прававога статусу іх уладальніка.
У Беларусі зарэгістравана 955 друкаваных СМІ, 189 тэлерадыёвяшчальных, 7 інфармацыйных агенцтваў, 43 сеткавыя выданні, адзначыў Уладзімір Пярцоў. Беларуская інфармацыйная прастора застаецца адкрытай для замежных СМІ, якія выконваюць патрабаванні заканадаўства Рэспублікі Беларусь. У нас распаўсюджваецца 1786 замежных газет і часопісаў, працуе больш чым 225 замежных тэлеканалаў.
