Маніфест аб стварэнні часовага ўрада. Менавіта з гэтага дакумента вядзе адлік Беларуская Савецкая Рэспубліка.
Тут жа і подпісы першых кіраўнікоў БССР. Частка партыйнага фонду прапанаваная на экспазіцыі, прысвечанай 100-годдзю абвяшчэння рэспублікі, у Нацыянальным архіве Беларусі. Тут жа кіруючыя ўказанні Сталіна, асабістыя справы першых членаў урада. Выстава архіўных дакументаў адкрылася ў дзень правядзення міжнароднай канферэнцыі "Гістарычныя лёсы беларускай савецкай дзяржаўнасці".
У форуме ўдзельнічаюць каля паўтысячы чалавек - ад студэнтаў гістарычных факультэтаў усіх ВНУ Беларусі да дактароў навук. Даследчыкі з некалькіх краін, навуковай цікавасцю якіх з'яўляецца стварэнне Беларускай Савецкай Рэспублікі, прадстаўляюць свае навуковыя працы, заснаваныя на дакументах, якія ў савецкі час былі засакрэчаныя. Міжнародны форум працягне сваю працу і заўтра.