У Мінску на тыдні прайшла вялікая міжнародная канферэнцыя Сусветнай асацыяцыі арганізацый, якія эксплуатуюць атамныя электрастанцыі - або скарочана САА АЭС. Тры дні больш як сотня экспертаў з 10 краін абмяркоўвалі будучыню мірнага атама і, вядома, бяспеку АЭС - у першую чаргу. Тут жа стала вядома, што ўжо завершаныя стрэс-тэсты на Беларускай АЭС і наша краіна рыхтуе нацыянальную справаздачу па выніках, якая будзе накіраваная ў энергетычную камісію ЕС.
Адзначым, паводле рэгламента, абавязацельстваў у Беларусі перад ЕС няма, падаванне справаздачы - гэта ўласная ініцыятыва нашай краіны, каб яшчэ раз падкрэсліць адкрытасць атамнага праекта і гатоўнасць да дыялогу. Аб гэтай адкрытасці, а яшчэ аб кадрах і прэтэнзіях суседняй Літвы, мы пагаварылі з дырэктарам маскоўскага рэгіянальнага цэнтра САА АЭС Васілём Аксёнавым.
