Адкрыццё "Лістапада" ўпершыню ахопіць Дом кіно. Абноўлены найстарэйшы кінатэатр прыме ўрачыстую цырымонію міжнароднага фестывалю ўжо ў гэту пятніцу. Класічны старт форуму з трыа вядучых. Сярод іх муза "Славянскага базару" і вядучая Белтэлерадыёкампаніі Алена Спірыдовіч. Гасцей больш як 500. Іх вечар пятніцы пачнецца з дэфіле па чырвонай дарожцы. Акружыць кіношнікаў атмасфера 20-х гадоў 20-га стагоддзя. У канцэпцыю для людзей, якія працуюць з кадрам, упішуць кінакафэ і жывую музыку.
Класіка кінастартаў - разбіць талерку аб штатыў. Рэжысёры пакажуць гэта па-новаму. Сёння ж анансуюць фільм-адкрыццё "Лістапада", які заўсёды ідзе на "дэсерт" да афіцыйнага адкрыцця форуму. На ім абвесцяць і ўладальніка спецыяльнай прэміі Прэзідэнта Беларусі - "За гуманізм і духоўнасць у кіно".
