Імёны лаўрэатаў конкурсу "Сімвалы маёй краіны" назавуць у ліпені

78 канкурсантаў адлюстравалі герб і флаг Беларусі ў жывапісе, графіцы і вышыўцы. Творчы праект "Сімвалы маёй краіны" Музея сучаснай беларускай дзяржаўнасці завершаны. Канкурсанты чакаюць падвядзення вынікаў. На працягу некалькіх месяцаў усе ахвотнікі маглі паказаць аўтарскую версію атрыбутаў суверэнітэту, арыентуючыся на эталон, у любым мастацкім жанры. 

Імёны лаўрэатаў конкурсу назавуць у ліпені. Урачыстую цырымонію ўзнагароджання правядуць да Дня Незалежнасці. Самыя арыгінальныя работы стануць экспанатамі выставы, якую можна будзе ўбачыць у Музеі сучаснай беларускай дзяржаўнасці.