З іх у Магілёўскай вобласці - 782. Там зараз, як і па ўсёй рэспубліцы, ідзе фарміраванне ўчастковых выбарчых камісій і ўдакладненне спісаў выбаршчыкаў. Таксама прадаўжаецца збор подпісаў за вылучэнне кандыдатаў, у тым ліку і на даму.
Аб тым, як у рэгіёнах рыхтуюцца да выбараў, - Андрэй Ястрабаў.
У Бялыніцкім раёне прадстаўнікі ініцыятыўных груп кожны вечар абыходзяць дамы. Збіраюць подпісы за прэтэндэнтаў у кандыдаты Прэзідэнта. У кожнага пры сабе абавязкова пасведчанне.
Такі "хатні" фармат збору подпісаў жыхароў сёл і вёсак цалкам задавальняе. Не трэба ехаць у райцэнтр. А сама працэдура займае ўсяго пару хвілін.
"У асноўным, людзі спагадныя, - гавораць зборшчыкі подпісаў. - Рэдка хто адмаўляе. Наадварот, цікавяцца ходам падрыхтоўкі да выбараў".
Алена Ярмоленка, член ініцыятыўнай групы грамадзян па вылучэнні кандыдата ў Прэзідэнты Рэспублікі Беларусь: "Людзі ахвотна адчыняюць нам дзвяры, ахвотна даюць нам свае подпісы, таму што разумеюць - усё-такі перадвыбарная кампанія ў самым разгары, гэта чарговы этап, які неабходна прайсці. І для таго, каб выбары адбыліся, трэба аддаць свой голас за таго або іншага кандыдата".
Для раённых камісій па выбарах Прэзідэнта працы зараз шмат. Збор подпісаў будзе доўжыцца яшчэ да 21 жніўня. Паралельна ідзе фарміраванне ўчастковых выбарчых камісій. Участкі ж для галасавання ўжо створаныя. У Бялыніцкім раёне іх 19.
Усяго на тэрыторыі Магілёўскай вобласці створана 782 выбарчыя участкі. У тым ліку - у бальніцах, санаторыях, дамах адпачынку.
Спальныя раёны Магілёва хутка растуць, адпаведна, павялічваецца колькасць жыхароў. Таму толькі ў Ленінскім раёне дадаткова сфарміраваны 2 выбарчыя участкі. А ўсяго іх - 87.
Участковыя выбарчыя камісіі сфарміруюць да 23 жніўня.
А ў Віцебскай вобласці сфарміравана 848 участкаў для галасавання. Падрабязная інфармацыя, да якога ўчастку належыць той або іншы дом, размешчаная ў газетах і ў сетцы Інтэрнэт. Таксама ў рэгіёне ўжо акрэдытавана 80 назіральнікаў. Гэта прадстаўнікі працоўных калектываў, палітычных партый, грамадскіх аб'яднанняў.
Каб у дзень выбараў заўваг не было і ў выбаршчыкаў, ва ўсіх рэгіёнах зараз ідзе ўдакладненне спісаў. Інфармацыю звераць з ЗАГСамі, пашпартнымі сталамі, міграцыйнымі службамі. Каб кожны, хто прыйдзе на выбарчы ўчастак, знайшоў сваё прозвішча ў спісах для галасавання.
