Усё менш часу застаецца да кульмінацыі святочнага дня - вячэрняга канцэрта, акцыі "Праспяваем гімн разам" і салюту. Гулянні працягваюцца ў кожным раёне сталіцы. У горадзе працуюць адразу некалькі здымачных груп Агенцтва тэленавін - і на прамую сувязь са студыяй выходзяць нашы карэспандэнты.
Наталля Тарасюк акунулася ў святочную атмасферу ў парку Горкага. Доўгія выхадныя ў беларусаў завяршаюцца асабліва ўрачыста. У парку Горкага яшчэ апоўдні стартавала музычнае свята. Праграма завершыцца ў 19:00. Гэтая маляўнічая зялёная пляцоўка ў цэнтры горада - толькі адно з месцаў гулянняў.
Адзначаюць беларусы Дзень Незалежнасці і акунуўшыся ў кветкавы водар. У батанічным садзе прайшоў баль руж: маштабная калекцыя амаль з трох сотняў гатункаў і відаў. Тут і бясплатныя экскурсіі, і кансультацыі навуковых супрацоўнікаў па доглядзе кветак, а таксама майстар-класы фларыстаў, арыгамі з руж і малюнкі на кветкавую тэматыку. Таксама ў батанічным садзе сёння можна было навучыцца танцаваць паланэз, вальс і танга пад святочныя матывы сімфанічнага аркестра Белтэлерадыёкампаніі. А Лошыцкі парк прыцягнуў публіку самых розных узростаў спектаклем у выкананні акцёраў Беларускага дзяржаўнага тэатра лялек, выставай малюнкаў і нават рыцарскімі баямі. А пасля такіх відовішчаў госці маглі прадэгуставаць салодкую прадукцыю фабрык.
Працягваюцца гулянні ва ўсіх парках горада, усяго на выбар толькі ў сталіцы больш як 40 пунктаў, усюды гучыць музыка. Больш за тое, шматлікія ў гэты асаблівы, урачысты, дзень імкнуцца наведаць як мага больш месцаў святочных гулянняў.
