Праверка ўжо закранула дзяржаўных падрадчыкаў, на чарзе прыватнікі. У спісе як толькі пачатыя аб'екты, так і тыя дамы, якія ўжо гатовыя прымаць навасельцаў. Усяго рабочая група праверыць 63 даўгабуды.
У будаўнічы рэйд адправіўся і Вадзім Шчаглоў.
Згодна з планамі, жыхары гэтай шматпавярхоўкі ў Ленінскім раёне сталіцы павінны былі стаць шчаслівымі навасельцамі яшчэ тры гады таму. Але дом па-ранейшаму будуюць, прычым за 20 метраў ад адміністрацыі раёна. Па сутнасці, чыноўнікі тры гады з вокнаў назіралі за праблемным аб'ектам, але праблему так і не вырашылі.
Вера Мацулевіч, начальнік упраўлення Камітэта дзяржаўнага кантролю Беларусі: Падчас будаўніцтва дома змяніліся чатыры падрадчыкі, тры падрадчыкі, на жаль, былі вельмі няўдалымі. Выбраныя прыватныя падрадныя арганізацыі, якія не спраўляліся са сваімі абавязацельствамі, больш за тое, перадапошні падрадчык пайшоў наогул з грашыма дольшчыкаў.
Прыватная кампанія знікла з трыма мільярдамі рублёў. Гэта грошы, якія дольшчыкі ўнеслі на будаўніцтва. У справу ўмяшаўся дзяржкантроль. Сёння аб'ект дабудоўвае дзяржаўная кампанія, прычым без прыбытку. А 3 мільярды, што зніклі, пакрыў заказчык будоўлі - раённы УКС. І гэта толькі адзін з прыкладаў рэальнай працы групы, створанай па даручэнні Прэзідэнта, для навядзення парадку ў будаўнічай галіне.
Гэта адзін з 63 праблемных дамоў сталіцы, яшчэ паўтара месяца таму, гэта значыць калі пачала працаваць група, тут нічога не было. Сёння ўжо ёсць фундамент, будуюць сцены, стаяць вежавыя краны. А ў найбліжэйшы час тут павялічаць і колькасць рабочых да 200 чалавек.
І тут праблемы тыя ж: падрадчык аказаўся неплацежаздольным, а праектныя дакументы пастаянна змянялі. Не ўлічылі асаблівасці грунтавых вод у мікрараёне Лебядзіны. Ад гэтага будоўля замерла на год.
А вось у доме насупраць усё ў тым жа мікрараёне ключы ад кватэр жыхарам абяцаюць аддаць ужо ў канцы жніўня, хоць павінны былі яшчэ два гады таму. Усе кватэры тут - для тых, хто мае патрэбу ў жыллі.. Сёння група правярае ўнутраную гатоўнасць аб'екта. І так будзе з кожным праблемным домам.
Вера Мацулевіч, начальнік упраўлення Камітэта дзяржаўнага кантролю Беларусі: Падчас рабочай групы складзеныя графікі, дакладныя графікі, дзе ўстаноўлены тэрміны гэтых дамоў праблемных, па кожным доме канкрэтна. Адзначана, якія нарматыўныя тэрміны былі, якія сёння трэба ўводзіць, адсочваем сітуацыю.
І калі сёння група правярала дзяржаўных падрадчыкаў, то ўжо наступны будаўнічы рэйд - па праблемных дамах, якія будуюць прыватнікі.