Алея кіно ў гонар "Белых Росаў", вулічныя артысты, каралеўская карэта, залатыя мімы на гарадскіх вуліцах, ганаровыя ўзнагароды лепшым жыхарам і дзіцячы веласіпедны спрынт. Гродна сёння святкуе 888 гадоў з дня свайго першага згадвання ў летапісах. Якім было гэта свята, якія падарункі падарылі старажытнаму гораду над Нёманам? На свяце пабываў і наш карэспандэнт Дзмітрый Смірноў.
Кожнае добрае свята пачынаецца з парада. У 888-ы дзень нараджэння Гродна ўрачыстае шэсце па цэнтральнай вуліцы расцягнулася ледзь ці не на некалькі кіламетраў. Але што было яшчэ больш відовішчным - удзельнікі разыгралі перад гараджанамі кароткія эпізоды гарадской гісторыі ад сярэдневяковых рыцараў і манахаў да каралёў і сучасных навукоўцаў і бізнесменаў.
Дзень горада - гэта яшчэ і дзень падарункаў. Сёння з вялікай сцэны на плошчы назвалі імя новага ганаровага грамадзяніна Гродна. Ім стаў Рышард Кацынель - чалавек, які мае дачыненне да будаўніцтва кожнага трэцяга аб'екта ў горадзе. Аўтамабільны мост цераз Нёман у цэнтры Гродна - яго найбольшы гонар як прафесіянала.
Тое, як змяняецца сёння Гродна, заўважаюць і самі гараджане. Цікава, але з трох чалавек, да каго мы сёння звярнуліся з пытаннямі, двое пераехалі сюды жыць з іншых гарадоў.
Гродна і праўда часта параўноўваюць з Парыжам. Сёння ён адназначна быў па-святочнаму сумятлівым і па-еўрапейску адкрытым. Старая Замкавая вуліца, дзе стагоддзі назад гулялі каралі і дыпламаты, - сёння яе аддалі дзецям. Спрынтарскія заезды на веласіпедах і самакатах ператварылі бацькоў у неверагодных балельшчыкаў.
Між тым сёння ў свята горада мэрыя агучыла і яшчэ адзін падарунак. Гэтым разам для прыватнага бізнесу.
Гэта павінна спрыяць пашырэнню турыстычнай інфраструктуры. У той жа ступені, як і новы гарадскі брэнд, які прэзентавалі сёння. Гродна зноў павінен стаць цэнтральным месцам для здымак кінафільмаў.
У Гродне няма ўласнай кінастудыі, аднак традыцыі братоў Люм'ер жывуць у горадзе вельмі даўно. Зараз і ў выглядзе такой алеі кіно.
Пакуль тут закладзены толькі першы камень фільма "Белыя Росы". Аднак неўзабаве ў горадзе пазначаць новы маршрут па ўсіх кінакарцінах, якія здымаліся на гродзенскай натуры.
