Гарадскі экарух з кожным летнім сезонам набірае абароты! Новыя мадэлі зялёнага транспарту - монаколы, электрасамакаты і веласіпеды - ужо сталі часткай гарадскога трафіку. А шматлікія шэрынгавыя кампаніі прапануюць сродкі персанальнай мабільнасці ў арэнду. Каб зрабіць рух на дарогах горада больш бяспечным для ўсіх удзельнікаў, Дзяржаўтаінспекцыя Мінска ўносіць змяненні ў правілы для катэгорыі экатранспарту.
Аб новаўвядзеннях і абмежаваннях перамяшчэння на такіх прыладах Ілья Цвяткоў.
Электрасамакаты, гіраскутары і монаколы ўсіх формаў і памераў ужо занялі сваю нішу сярод традыцыйнага гарадскога транспарту. Цяпер перад супрацоўнікамі аўтаінспекцыі стаіць задача вызначыць месца электратранспарту ў правілах дарожнага руху.
Сродкі індывідуальнай мабільнасці па-ранейшаму ў топе сталічнага экаперамяшчэння па вуліцах сталіцы. Іх можна набыць ці ўзяць у арэнду. Каб «зялёны рух» быў бяспечным для вадзіцеляў і пешаходаў, ДАІ падрыхтавала шэраг новых правілаў для райдараў.
Пасля таго як новыя пункты правілаў уступяць у сілу, за іх парушэнне інспектары змогуць прыцягваць аматараў электратранспарту да адказнасці. Самі райдары лічаць, што лепшы спосаб не збіцца з курсу і не трапіць у непрыемнасці - перамяшчацца толькі ў дазволеных месцах, максімальна ўважліва сачыць за сітуацыяй і падчас язды выкарыстоўваць сродкі бяспекі.
На кантролі ДАІ па-ранейшаму веласіпедысты. Іх задача - бяспечна раз'ехацца з пешаходамі на тратуарах і не парушаць межы вызначаных веладарожак, асабліва асцярожнымі трэба быць і падчас праезду пешаходных пераходаў.
Сёлета толькі ў Мінску пад колы аўто трапілі 29 веласіпедыстаў. Усе яны атрымалі траўмы рознай ступені цяжкасці. ДАІ просіць бацькоў нагадаць правілы перамяшчэння на двухколых дзецям. Бо часта ахвярамі аварый становяцца менавіта непаўналетнія.
