Мова гісторыі праз здымкі! У Бібліятэцы імя Пушкіна адкрыўся фотапраект, прысвечаны двум выдатным дзеячам расійскай культуры. Сямён Гейчанка - пісьменнік-пушкініст, які амаль 50 гадоў свайго жыцця аддаў музею-запаведніку "Міхайлаўскае" ў Пскоўскай вобласці, узнаўляў яго з руін пасля вайны. Валянцін Курбатаў - літаратурны крытык і празаік, які шматкроць пісаў аб вядомым рускім паэце. Выстава аб'ядноўвае літаратурныя тэксты двух манументальных асоб і фатаграфіі пецярбургскага рэпарцёра Юрыя Бялінскага.
Расійскі музей-запаведнік і мінскую бібліятэку аб'ядноўваюць не толькі вядомае імя пісьменніка, але і агульныя мэты. Паміж установамі падпісана пагадненне аб супрацоўніцтве, запланаваныя сумесныя праекты і выставы.
