Тут на днях расчышчалі тэрыторыю ля чыгункі. З зямлі вынялі часткі фюзеляжа, рухавіка, электраправодку. Спецыялісты мяркуюць, што савецкая крылатая машына была збітая праціўнікам у першы ж дзень вайны - 22 чэрвеня.
Вячаслаў Бурак, вядучы спецыяліст ваеннага камісарыята Кобрынскага і Жабінкаўскага раёнаў: "Тут перад пачаткам вайны дыслацыраваўся 123 знішчальны полк, ён стаяў пад Кобрынам. Паміж Кобрынам і населеным пунктам Імяніны. Мы мяркуем, што гэты самалёт быў збіты ў першы дзень вайны. Тады атрымалася некалькім самалётам падняцца. Меркавана, што гэта І-153 "Чайка". І думаем, што адзін член экіпажа быў".
Алена Бабенка, дырэктар Кобрынскага ваенна-гістарычнага музея: "На момант першых паветраных налётаў нямецкай арміі самалёты Кобрынскага авіяпалка былі з прагрэтымі рухавікамі, цалкам былі запраўленыя боекамплектам, цалкам былі запраўленыя палівам. І таму ў першыя ж гадзіны, першыя хвіліны яны змаглі прыняць паветраны бой. Усе 30 машын узвіліся ў паветра. Гэта была вельмі цяжкая сітуацыя, бой доўжыўся 9 гадзін".
Пошукавыя работы на месцы знаходкі працягнуцца. А неўзабаве іх пачнуць і на тэрыторыі Жабінкаўскага раёна, дзе чатыры месяцы таму таксама знайшлі фрагменты савецкага самалёта.
