Яшчэ адна глава стратэгічнага партнёрства паміж Беларуссю і КНР - супрацоўніцтва ў гуманітарнай сферы: філіял кафедры культуралогіі БДУКМ адкрылі ў Інстытуце кітаязнаўства імя Канфуцыя БДУ. Сімвалічна, што такі адукацыйны дыялог прыпаў на Год народнага адзінства і стагоддзе Беларускага дзяржаўнага ўніверсітэта. Задача новага структурнага падраздзялення - гэта і ўмацаванне навуковых сувязяў у галіне кітаязнаўства, і больш паглыбленая падрыхтоўка студэнтаў універсітэта культуры і мастацтваў. Толькі за апошнія гады ў адной з вядучых культурных ВНУ магістарскі і кандыдацкі статусы атрымалі звыш паўсотні кітайскіх студэнтаў.
Міжкультурны дыялог прадоўжаць тэматычныя канферэнцыі і круглыя сталы. А пасля пераразання стужкі госці адправіліся на аглядную экскурсію па Інстытуце кітаязнаўства. Ва ўстанове ёсць багатая бібліятэка на 6,5 тысячы кніг. Фондавы збор - гэта не толькі папулярная мастацкая літаратура Паднябеснай, але і дапаможнікі па вывучэнні кітайскай мовы.
