Яны робяць выхады на дзве, сонейка, па 10 секунд трымаюць цела пад прамым вуглом. Фестываль здаровага ладу жыцця Варкаўт сабраў у беларускай сталіцы каля 80 спартсменаў з усіх куткоў краіны. Яны прыехалі паказаць мікс гімнастыкі, брэйк-данса і сілавых прыёмаў. Наш карэспандэнт Аляксандр Харавец таксама паспрабаваў свае сілы ў варкаўце.
Іван Крыленка ужо 5 гадоў займаецца варкаўтам. Выхад на дзве рукі, сонейка і нават падцягванне на адной руцэ для яго не праблема. 4 разы на тыдзень спартсмен па 2 гадзіны вісіць на турніку і дэманструе мікс гімнастыкі, брэйк-данса і сілавых практыкаванняў.
Турнікмены з 7 гарадоў нашай краіны прыехалі ў сталіцу, каб сваім майстэрствам заваяваць для свайго населенага пункта званне самага моцнага ў варкаўт-руху Беларусі. Спаборніцтвы праходзяць у трох намінацыях - Візітная картка, Бітва капітанаў і Трохбор'е.
Прыняць удзел у спаборніцтвах можа кожны, незалежна ад узросту і вопыту. Таму на спартыўнай пляцоўцы сёння нараўне выступаюць як 11-гадовыя падлеткі, так і сур'ёзныя 30-гадовыя мужчыны.
Street workout - разнавіднасць масавых фізкультурных заняткаў. Уключае выкананне розных практыкаванняў на турніках, брусах, шведскіх сценках і іншых канструкцыях. Неад'емная частка гэтага віду спорту - магчымасць прыдумляць новыя практыкаванні і іх камбінацыі, ператвараючы трэніровачны працэс у гульню.
Каб займацца варкаўтам не патрэбны спартыўныя залы і дарагія трэнажоры. Дастаткова простага турніка, які ёсць у кожным двары, жадання і рэгулярных трэніровак. І ўжо праз некалькі заняткаў адчуваеш сілу ў целе і прыліў бадзёрасці на ўвесь дзень.
