"Увага! Гаворыць Мінск!" Сёння фразе, якая дала старт айчыннаму радыёвяшчанню, - 96. У свой дзень нараджэння Беларускае радыё прэзентуе слухачу новыя аудыяпраекты і разыгрывае падарункі. Эфірнае напаўненне радыёстанцый медыяхолдынга на сёння: ад жывога канцэрта Прэзідэнцкага аркестра Беларусі да віртуальнай экскурсіі па эфірах розных гадоў. І ўпершыню за 96 сезонаў вяшчання на Беларускім радыё далі прэм'еру дэтэктыўнага серыяла. Літаратурная аснова гукавой пастаноўкі - сусветная класіка. Эпічную гісторыю пісьменніка Жоржа Сіменона "Мегрэ і чалавек на лаўцы" ў аўдыёфармат перавялі ўсяго за некалькі месяцаў. А вось за галасавымі тыпажамі творчая каманда палявала з лета. Серыял стане не толькі падзеяй для сезона-2021 з пазнакай "упершыню", але і рэверансам самому твору. 55 гадоў назад у галандскім Дэлфзейл быў устаноўлены помнік знакамітаму камісару, да даты радыйшчыкі стварылі ўласны помнік літаратурнаму персанажу. Як пісалася гісторыя дэтэктыва Мегрэ з беларускім акцэнтам?
Эпічная гісторыя "Мегрэ і чалавек на лаўцы" ў аўдыёфармаце - на Беларускім радыё далі прэм'еру
15 ноября 2021