Асцярожнасць на слізкай дарозе - аснова бяспекі падчас руху. Для таго, каб зрабіць перамяшчэнне па дарогах камфортным і бяспечным, рэгулярна выязджае на ўборкі вуліц спецтэніка дарожных службаў. Нягледзячы на часовую адлігу, машыны працягваюць наводзіць парадак у горадзе. Зараз яны займаюцца чысткай асфальтаў і тратуараў ад смецця. Як толькі пойдзе снег, ці з'явіцца галалёдзіца, працаўнікі аўтадара аператыўна пачнуць апрацоўваць пакрыццё пяшчана-саляной сумессю.
За добраўпарадкваннем сталічных артэрый паназіраў Ілья Цвяткоў.
Перапады тэмператур і як вынік - з'яўленне ледзяной коркі на асфальтавым пакрыцці. За бяспекай пакрыцця на сталічных магістралях рэгулярна сочаць дарожныя службы.
Некалькі дзён на кароткі адпачынак - і зноў марозны рэжым працы. Для барацьбы са складанымі для пешаходаў і вадзіцеляў умовамі руху дарожнікі працягваюць назапашваць тоны салявой сумесі. Як толькі асфальт пакрыецца лёдам, яго тут жа растопяць з дапамогай рэагентаў.
Сотні машын спецыяльнага прызначэння пераабсталяваны пад зімовы рэжым працы. У кожным кіраванні аўтадара ёсць некалькі такіх аўтамабіляў-трансформераў. Падчас рэйса аўтаматычна працуюць шчоткі і каўшы розных памераў.
Калі на тратуарах галалёд, пазбегнуць траўмаў і падзенняў дапамагае сезонная апрацоўка пешаходных дарожак. Гэтым займаюцца камунальныя службы. Тратуары апрацоўваюць рэагентам, а пасля разбіваюць лёд, каб цалкам ачысціць пешаходныя дарожкі.
Нягледзячы на актыўную працу камунальнікаў і дарожных службаў, ДАІ рэкамендуе вадзіцелям быць уважлівымі на дарогах падчас руху, пазбягаць рэзкіх манеўраў і выконваць хуткасны рэжым, каб пазбегнуць ДТЗ.