Паказальныя выступленні спецназа, роты ганаровай варты, спецыялістаў-кінолагаў і ўзрыватэхнікаў. Дзень адчыненых дзвярэй адбыўся сёння на факультэце ўнутраных войскаў Ваеннай акадэміі. Абітурыентам, а таксама ўсім ахвотнікам паказалі ўзоры формы і ўзбраення, а таксама ваенную і спецыяльную тэхніку ведамства. Традыцыйна такое мерапрыемства прываблівае многіх. Для адных гэта даведацца аб парадку паступлення ў Ваенную акадэмію, для другіх - паглядзець на працу спецназа.
Факультэт унутраных войскаў Ваеннай акадэміі быў створаны 26 гадоў таму. За гэты час лейтэнанцкія пагоны атрымалі амаль паўтары тысячы чалавек. Вышэйшая адукацыя даецца па спецыяльнасці "кіраванне падраздзяленнямі ўнутраных войскаў" з прысваеннем кваліфікацыі "юрыст".
