Бяспека - галоўны залог партнёрства. Дэлегацыя ратавальнікаў Літвы ў гэтыя дні знаходзіцца ў Мінску для абмену вопытам. Напярэдадні кіраўнік дэпартамента пажарнай бяспекі наведаў Рэспубліканскі цэнтр кіравання і рэагавання на надзвычайныя сітуацыі. Паводле слоў галоўнага пажарнага Літвы, у найбліжэйшы час ведамства пераязджае ў новы будынак і ўбачанае ў Беларусі дае дадатковую інфармацыю для разважанняў па арганізацыі працы.
Выратавальныя службы Беларусі і Літвы аб'ядноўваюць даўнія партнёрскія адносіны. У рамках сумесных вучэнняў не раз адпрацоўваліся пытанні перасячэння мяжы і сумесных дзеянняў пры ліквідацыі наступстваў надзвычайных сітуацый. Падчас візіту ратавальнікі Літвы таксама наведаюць Камандна-інжынерны інстытут, Навукова-даследчы інстытут пажарнай бяспекі.