Чалавека года выбралі ў Брэсцкай вобласці

Чалавека года выбралі ў Брэсцкай вобласці. Там падвялі вынікі па галоўных сферах жыцця рэгіёна. Спецыяльна да гэтай падзеі ў аблвыканкаме адрэканструявалі вялікую залу для ўрачыстасцей. Кветкі і ўзнагароды атрымалі тыя, хто ўлюбёны ў сваю прафесію. Працу на сумленне і самааддачу ў працы сёння шануюць на самым высокім узроўні. Падзяку Прэзідэнта ўручылі працаўнікам аграпрамысловага комплексу Брэсцкай вобласці. Мінулы год стаў для рэгіёна вельмі ўдалым. У сельскай гаспадарцы атрымалі рэкордны вынік па вытворчасці і якасці малака і самы вялікі ўраджай збожжа і рапсу за апошнія пяць гадоў. Уклад у развіццё вобласці адзначылі і па іншых кірунках. Гэта будаўніцтва, транспарт, прамысловасць, адукацыя. Усяго ганаровае званне "Чалавек года" атрымалі 11 чалавек, сярод якіх нямала жанчын-кіраўнікоў.