Напярэдадні дэпутаты Палаты прадстаўнікоў Нацыянальнага cходу прынялі законапраект аб амністыі. А сёння парламентарыі прадоўжылі працаваць над іншым дакументам, які мае непасрэднае дачыненне да зняволеных. Гэты прававы акт у хуткім часе ўнясе змяненні ва ўмовы ўтрымання асуджаных, таму перад прыняццем законапраекта дэпутаты вырашылі асабіста наведаць турму ў Жодзіне і калонію ў Навасадах. Як праходзіла незвычайнае выязное пасяджэнне Палаты прадстаўнікоў, раскажа Юрый Шаўчук.
Такія жыццёвыя прыярытэты зняволены Андрэй паставіў для сябе, калі трапіў у калонію. Вось толькі спраўдзіцца гэтым планам наканавана яшчэ няхутка. Магчыма, праз 3 гады, 5 ужо за плячамі. Наркотыкі кардынальна змянілі жыццё маладога чалавека. У выніку прага грошай абярнулася 328 артыкулам - захоўванне і распаўсюджванне наркатычных сродкаў.
Пасля нядоўга інтэрв'ю Андрэй адразу адправіўся на сваё рабочае месца. Працаваць тут павінны ўсе без выключэння. Сталярная або слясарная справа, работа з бетонам, а калі нічога не ўмееш, прыбіранне тэрыторыі - рамяство ў калоніі знойдзецца для кожнага.
Па сутнасці цэхі вытворчасці ў папраўчай калоніі нічым не адрозніваюцца ад звычайных заводаў. Тут так сама шумна, усюды працуюць людзі і паўсюль вісяць стэнды аб тэхніцы бяспекі.
Пасля рабочай змены ўсе зняволеныя маюць законнае права на адпачынак і спатканні са сваімі блізкімі і роднымі.
Мікалай Акуневіч, начальнік ІЧ №14 ДВП МУС Беларусі: "У першую чаргу яны людзі, і тыя мінімальныя выгоды, на якія яны маюць права (гэта прагляд ТБ, кароткатэрміновыя, працяглыя спатканні для падтрымання сацыяльна карысных сувязяў са сваякамі), я думаю, не павінны абмяжоўвацца".
Але абмежаваць, а дакладна, скараціць час кароткатэрміновых спатканняў з 3 да 2 гадзін для асуджаных усё ж прыйдзецца. Прынамсі, так прапісана ў законапраекце, які зараз знаходзіцца на разглядзе ў Палаце прадстаўнікоў. Дакумент ужо прайшоў першае чытанне. А каб унікнуць у сутнасць справы, перад прыняццем прававога акта дэпутаты асабіста наведалі турму ў Жодзіне і папраўчую калонію ў Навасадах.
Уладзімір Андрэйчанка, старшыня Палаты прадстаўнікоў Нацыянальнага сходу Беларусі: "Важна, напэўна, не толькі пакараць чалавека, які памыліўся, але і ўсё-такі стварыць яму такія ўмовы і правесці з ім такую работу, каб ён стаў на шлях выпраўлення, пачаў новае жыццё, вярнуўся ў сям'ю і прыносіў карысць грамадству".
Рэжымы пенітэцыярных устаноў перажываюць змяненні. Са станоўчага - ТБ у турмах стане больш, асабліва прыкладным асуджаным дазволяць карыстацца і халадзільнікамі. Хаця галоўную прыемную навіну пастаяльцы калоній ужо атрымалі. Напярэдадні парламентарыі ў двух чытаннях прынялі законапраект аб амністыі. Дзякуючы гэтаму дакументу больш як восем з паловай тысяч зняволеных сталі на крок бліжэй да свайго вызвалення.