Больш за паўтары сотні сельскагаспадарчых кірмашоў пройдзе ў сталіцы гэтай восенню. Гандлёвыя пункты з'явяцца ва ўсіх раёнах горада, а галоўная пляцоўка размесціцца ля «Чыжоўка-Арэны». Пачнецца сезон кірмашоў 17 верасня і прадоўжыцца да канца кастрычніка. Сваю прадукцыю прывязуць прадпрыемствы і фермеры з усёй краіны. Набыць садавіну і агародніну, а таксама мяса, рыбу і малочную прадукцыю можна будзе кожныя выхадныя. Паўдзельнічаюць у кірмашах і прадпрыемствы лёгкай прамысловасці.
15 верасня пачнецца выязны гандаль. Набыць прадукцыю ля жылых дамоў можна будзе да 15 лістапада. Для гэтага прадугледжана амаль 2 сотні пляцовак. Дарэчы, гэта на 20 % больш, чым летась.
