Гродзенскія мытнікі ў пункце пропуску "Бераставіца" спынілі кантрабанду 20 кілаграмаў гашышу. Наркотык спрабавалі завезці на тэрыторыю ЕАЭС у паліўным баку. Грамадзянін Расіі, які мае таксама пашпарты Румыніі і Малдовы, заязджаў з Польшчы. Яго машыну адправілі на надгляд. У выніку з паліўнага бака дасталі 40 упакаваных брыкетаў са спрэсаваным рэчывам. Згодна з экспертызай, гэта наркотык (гашыш) агульнай вагой больш за 22 кілаграмы. Узбуджана крымінальная справа. Падазронаму пагражае да 10 гадоў пазбаўлення волі.
Больш за 20 кг гашышу выявілі гродзенскія мытнікі ў баку машыны з Польшчы
7 апреля 2021
