Беларусь з расійскімі рэгіёнамі актыўна гандлюе па розных кірунках, напрыклад, у сельскай гаспадарцы. Больш як 19 тысяч адзінак Мінскі трактарны завод паставіў на расійскі рынак летась, сёлета плануюць яшчэ больш нарасціць лічбы экспарту.
Дэталёва абмеркавалі на МТЗ новыя перспектывы супрацоўніцтва і з Камчацкім краем. Рэгіён зацікаўлены ў беларускай тэхніцы. З усіх трактароў, якія сёння выкарыстоўваюць у сельгасвытворчасці Камчаткі, МТЗ займае 63 %.
У цэлым трактары BELARUS працуюць у 125 краінах на 5 кантынентах. Асартымент тэхнікі ўключае 160 мадэляў і больш як 220 мадыфікацый для працы ў любых умовах.
