Беларускія спартсмены дапушчаны да Паралімпіяды ў Парыжы

Беларускія паралімпійцы дапушчаны да летніх Алімпійскіх гульняў у Парыжы ў якасці індывідуальных і нейтральных спартсменаў, а таксама змогуць выступаць на ўсіх спаборніцтвах пад эгідай МПК. Такое рашэнне было прынята на Генеральнай асамблеі МАК у Бахрэйне. Пры гэтым на пасяджэнні зноў было разгледжана пытанне аб поўным прыпыненні членства нашага Паралімпійскага камітэта ў міжнароднай арганізацыі. Па выніках галасавання 74 галасы былі супраць такога рашэння, 56 - за і 15 устрымаліся. Зараз у Паралімпійскага камітэта Беларусі ёсць права аспрэчыць частковае прыпыненне членства ў МПК у незалежным апеляцыйным трыбунале, а таксама судзе ў Германіі, дзе знаходзіцца штаб-кватэра Міжнароднага паралімпійскага камітэта. Пакуль жа гэта рашэнне будзе дзейнічаць да наступнай асамблеі ў 2025 годзе.