Пра гэта Агенцтву тэленавін сёння паведамілі ў кампаніі "Алмаз-Тур". Аўтобус прыбыў за дзецьмі яшчэ напярэдадні, але з-за ўмоў надвор’я было прынята рашэнне правесці яшчэ адну ноч у Пячэрскім манастыры, куды дзеці накіроўваліся на экскурсію.
Як паведамлялася, аварыя адбылася 9 студзеня ў 22:10 на 251 кіламетры трасы Санкт-Пецярбург - Невель. Вадзіцель велікагрузнага аўтамабіля з беларускімі нумарамі сутыкнуўся з аўтобусам, які рухаўся ў спадарожным кірунку. У аўтобусе знаходзіліся 54 грамадзяніны Беларусі, у тым ліку 41 дзіця ад 6 да 13 гадоў. У выніку сутыкнення 10 дзяцей атрымалі лёгкія ўдары. Шпіталізацыя не спатрэбілася, меддапамога была аказана на месцы.
