Каб ацаніць сапраўдныя кулінарныя шэдэўры беларускай нацыянальнай кухні, прыгатаваныя па ўсіх традыцыях гісторыі, і акунуцца ў самабытнасць беларускага каларыту, сардэчна запрашаем у нашы аграсядзібы. Перавагі агратурызму ў нашай краіне ацанілі і на сусветным узроўні. Беларусь заняла першае месца ў рэйтынгу National Geographic Тraveler Awards і ўвайшла ў топ-5 краін для аздараўленчага адпачынку. Што прапануюць турыстам беларускія сядзібы, убачыла Улада Карніцкая.
Каб убачыць такую калекцыю самавараў, у гэтую аграсядзібу прыязджаюць турысты, пераадолеўшы тысячы кіламетраў. А яшчэ 6 гадоў таму, расказвае Віктар Крыцкі, гэта была калгасная кантора. Дзесьці падрамантавалі, дзесьці падфарбавалі, арганізавалі сплавы на каяках, рыбалку, зімой - лыжныя сцежкі і катанне на санках. Зараз тут сапраўдны турыстычны комплекс. Як бонус - індывідуальны падыход да кожнага госця.
За год у гэтую аграсядзібу прыязджае каля тысячы турыстаў, большасць з якіх дарослыя. Не выключана, што ў тым ліку яны прагаласавалі за нашу краіну ў прэстыжным конкурсе National Geographic. Анлайн-галасаванне праходзіла на сайце гэтага часопіса ў Расіі амаль два месяцы. Лепшыя турыстычныя напрамкі выбіралі ў 23-х намінацыях.
За нашу краіну было аддадзена 24% галасоў у раздзеле "Агратурызм". На другім месцы ў гэтым рэйтынгу размясцілася Італія, якая, дарэчы, летась была лідарам. На трэцім - Францыя. Расія набрала ў гэтай намінацыі 18%, Грузія - 9.
Зараз у краіне зарэгістравана крыху менш за 2 300 аграсядзіб. Больш за ўсё іх у Віцебскай і Мінскай абласцях - каля шасці соцень у кожнай. Удвая менш у Брэсцкім і Гродзенскім рэгіёнах. У хвасце рэйтынгу Гомельская вобласць - на паўднёвым усходзе краіны амаль 200 аграсядзіб. Адпачылі з нацыянальным каларытам летась без малога 300 тысяч чалавек. У якасці турызму беларускую вёску ў асноўным выбіраюць расіяне, украінцы, палякі, прыбалты, немцы і амерыканцы.
Дарэчы, самі ж беларусы, паводле афіцыйных звестак, у родных сядзібах таксама сталі адпачываць часцей.
Іншая прыемная няхай і не перамога - Беларусь увайшла ў топ-5 краін з лепшым аздараўленчым адпачынкам. Лідарам у гэтай намінацыі стаў Ізраіль, далей ідуць Чэхія, Венгрыя і Расія.
Дзяніс Гусеў з Санкт-Пецярбурга прыехаў у адзін з беларускіх санаторыяў упершыню. Маладому чалавек здраўніцу парэкамендавала маці, якая адпачывала тут некалькі гадоў таму. Сын гаворыць: больш сюды не вярталася, бо аздараўленчы эфект адчувае дагэтуль. З умацаваным здароўем адсюль едзе кожны наведвальнік, бо новае медыцынскае абсталяванне тут з'яўляецца пастаянна. Прычым, такое, якое знойдзеш далёка не ў кожнай здраўніцы.
Надзея Бельская, намеснік галоўнага ўрача па медыцынскай частцы санаторыя: "Вось гэта метад карбаксіпунктуры. Доктар з дапамогай спецыяльнага апарата ўводзіць пад скуру вуглякіслы газ. Гэта вельмі эфектыўны метад пры лячэнні суставаў, а таксама пазваночніка".
Але, як гавораць самі госці нашых санаторыяў і аграсядзіб, у першую чаргу едуць у Беларусь па тое, што за грошы ўжо сапраўды не купіш - традыцыйную гасціннасць і ветласць і, вядома ж, усмешку, якая часам лечыць самыя цяжкія хваробы.
