Беларусь зможа экспартаваць вырабленую на сваіх плошчах вакцыну "Спадарожнік V" у трэція краіны. Аб гэтым напярэдадні паведамілі ў Міністэрстве аховы здароўя. Нагадаем, у пятніцу з канвеера Белмедпрэпаратаў сышла першая выпрабавальная партыя гэтай вакцыны, адлітая цалкам паводле расійскай тэхналогіі. Усёй серыі трэба будзе прайсці кантроль якасці і адпаведнасці. Далей зможам пачаць вытворчасць прэпарата ў прамысловых маштабах. У перспектыве на Белмедпрэпаратах плануюць выпускаць 500 тысяч доз расійскай вакцыны за месяц.
Падрабязнасці - сёння ў "Галоўным эфіры"
Колькі часу пайшло на стварэнне вакцыны ад каранавіруса ў свеце? І ці плануем на сваіх плошчах вырабляць яшчэ і кітайскі прэпарат - падрабязнасці сёння ў "Галоўным эфіры".
