Сёння ў Мінску праходзіць семінар, дзе прадстаўнікі турбізнесу паўночных краін паказалі беларускім агенцтвам лепшыя прапановы. Актыўнае супрацоўніцтва пачалося яшчэ ў лютым. Беларускі турбізнес прэзентаваў у Таліне тыя сферы нашай краіны, якія маглі б прыцягнуць падарожнікаў са Скандынавіі. Гэта санаторыі, аб'екты аграэкатурызму і спецыяльныя гістарычныя туры.
На семінары адзначылі, што гэта толькі пачатак. Узаемны паток турыстаў у кожную з краін штогод не перавышае 15 тысяч. Зрэшты, дыпламаты і прадстаўнікі туріндустрыі разлічваюць гэта выправіць.
