Агенцтва "Блумберг" на тыдні апублікавала фэйк аб каранавірусе ў Беларусі

Эпоха каранавіруса спарадзіла і іншую, не менш небяспечную пагрозу. Інфармацыйную. Вяртаемся да таго, аб чым гаварылі ледзь вышэй. Адкрытасць беларускага Міністэрства аховы здароўя некаторым калегам у масмедыя не дае супакою. Працягваюцца фэйкі і ўкіды адносна каранавіруса. Той самы псіхоз, аб якім гаварылі не раз і ў нас у краіне, ды і ў свеце. 

Вядомае амерыканскае агенцтва "Блумберг", якое (высокая верагоднасць) не ведае, дзе знаходзіцца Беларусь і што там адбываецца, на тыдні выдало "гучную сенсацыю". Нібы ў нашай краіне ад каранавіруса памерлі 22 чалавекі. Матэрыял апублікавалі ў чацвер у раёне 7 раніцы па Мінску. Гэтую інфармацыю актыўна і з задавальненнем падхапілі асобныя беларускія рэсурсы. Праз пару гадзін "Блумберг" усё ж заўважыў сваю памылку. Але замест аспрэчання інфармацыі проста акуратна паправілі лічбу ў тым жа матэрыяле. 

А зараз давайце ўявім, колькі людзей прачыталі матэрыял першапачаткова і хто з іх зойдзе туды зноў і ўбачыць новыя лічбы. Высновы можаце зрабіць самі.