Сёння ў судзе Маскоўскага раёна Мінска аднавіліся слуханні па справе аб хабарах у Белгазпрамбанку. На працягу дня было цалкам аб'яўлена абвінавачанне.
Падсудныя пацвердзілі, што яно ім зразумела. Віну цалкам прызналі 7 чалавек, за выключэннем асноўнага фігуранта справы - экс-кіраўніка банка. Нагадаем, размова ідзе пра самае буйное ў гісторыі суверэннай Беларусі карупцыйнае злачынства. Былым топ-менеджарам ставяць у віну атрыманне нелегальных фінансаў на агульную суму каля 15 мільёнаў долараў. Хабары вымагаліся пад выглядам дывідэндаў на рахункі фірм-кашалькоў, а таксама наяўнымі, грошы выводзіліся і ў афшоры, адмываліся праз шэрыя схемы. Кожнаму з васьмі ўдзельнікаў злачыннай групы прад'яўлена абвінавачанне ў залежнасці ад іх ролі і працягласці ўдзелу ў незаконнай дзейнасці. 6 фігурантаў склалі дасудовае пагадненне са следствам аб супрацоўніцтве. Заўтра працэс працягнецца.
