72 гады таму карнікі спалілі вёску Хатынь разам з яе жыхарамі, палова з якіх - дзеці. Трагедыя адной вёскі, якая пасля стане сімвалам генацыду цэлай краіны падчас Вялікай Айчыннай вайны. І такіх страшных гісторый у Беларусі за Другую сусветную сабралася некалькі тысяч. У 1969 годзе ў Лагойскім раёне літаральна на папялішчы быў пабудаваны цэлы мемарыяльны комплекс.
Руслан Туркоў даведаўся новыя падрабязнасці ў хатынскай справе. Любімчык Гітлера і алімпійскі чэмпіён. Ён першым прынёс золата Германіі на Гульнях 36-га года. Праз тры гады пасля трыумфу Ханс Вельке змяняе форму атлета на афіцэрскі мундзір.
Праз 7 гадоў пасля берлінскай Алімпіяды чэмпіён Ханс Отэ Вельке аказваецца ў Беларусі, але ўжо ў статусе камандзіра роты 118 паліцэйскага батальёна. 22 сакавіка 1943 года яго машына трапляе пад абстрэл партызан прыблізна вось на гэтым месцы.
Партызаны з брыгады Варанянскага з веданнем справы расставілі пастку, распавядае нам дырэктар мемарыяльнага комплексу "Хатынь" Артур Зельскі. Абрэзаўшы провад нямецкай сувязі, тры ўзводы народных мсціўцаў арганізавалі засаду на трасе Лагойск - Віцебск.
Нападзенне на рамонтную брыгаду і забойства алімпійскага чэмпіёна, чалавека, які асабіста знаёмы з Гітлерам, і прыводзіць да карнай аперацыі ў Лагойскім раёне. Паліцэйскія выклікаюць падмацаванне і на шляху да Хатыні распраўляюцца з групай лесарубаў з вёскі Козыры.
Усе гэтыя падзеі адбываюцца за 6 кіламетраў ад Хатыні. Каля 2 гадзін дня 118 паліцэйскі батальён увайшоў у вёску. Што было далей, цяжка апісаць. Пра гэта наглядна ў сваім фільме "Ідзі і глядзі" распавёў рэжысёр Элем Клімаў.
149 чалавек, сярод якіх 75 дзяцей, загінулі. І такіх страшных гісторый у Беларусі за Другую сусветную сабралася некалькі тысяч.
Гісторык з Берліна Петэр Ян вывучаў нямецкія архівы. Вось што ён гаворыць аб планах нацыстаў у дачыненні да Беларусі.
Алімпійскага чэмпіёна Ханса Верке ў 1943 годзе пахавалі ў Мінску каля Акадэміі навук, праз некаторы час яго цела было перапахавана ва ўсходняй частцы сталіцы Беларусі. Пасля вайны магілу зраўняюць з зямлёй - народ адбудоўваў разбураную нацыстамі Беларусь. У 1969 годзе ў Лагойскім раёне літаральна на папялішчы быў пабудаваны цэлы мемарыяльны комплекс, куды і сёння прыязджаюць мільёны паломнікаў і турыстаў.
