Сёння, як чакаецца, у 18:10 па мінскім часе карабель "Саюз" прыстыкуецца да ўніверсальнага вузлавога модуля "Прычал" расійскага сегмента МКС. У космасе ўжо сапраўды легендарную беларуску Марыну Васілеўскую ў складзе экіпажа пад камандаваннем Алега Навіцкага чакае праца над даследаваннямі ў біямедыцыне, вопыты па вырошчванні раслін, а таксама выпрабаванні складаных прыбораў ва ўмовах бязважкасці. Касмічную праграму распрацавалі Акадэмія навук Беларусі і Раскосмас з удзелам Расійскай акадэміі навук.
Нагадаем, 23 сакавіка дзясяткі тысяч чалавек з заміраннем сэрца назіралі за стартам "Саюз МС-25" з нашай Марынай Василеўскай. Беларуская дзяўчына праклала новы шлях для ўсёй краіны. Працягласць працы экіпажа на расійскім сегменце МКС складзе 12 сутак. Вяртанне на караблі "Саюз МС-24" запланавана на 6 красавіка.
