Чвэрць стагоддзя ў вялікім вяшчанні - 21 верасня адзначае ад а да я беларускамоўная радыёстанцыя "Сталіца". Структурнае падраздзяленне Белтэлерадыёкампаніі - гэта і цытадэль беларускіх меламанаў. Менавіта на яе частотах жыве сапраўдны рок. Шматлікія гуру журналістыкі, якія сёння служаць у інфармацыйнай камандзе Агенцтва тэленавін, таксама са "сталічнай" хвалі. Якасны гук - гэта тандэм эфірнага тэмбру з новай вяшчальнай студыяй. Наступны гастрольны прыпынак "Сталіцы" пасля гучнага юбілею - пашырэнне вяшчальнай сеткі ў FM-дыяпазоне. Сёння станцыя гучыць на ультракароткіх хвалях па ўсёй краіне на частаце 105,1 FM у Мінску. Даступная ва ўсім свеце ў рэжыме рэальнага часу ў інтэрнэце.
25 гадоў у фармаце 24 на 7 - у такіх сціплых храналагічных рамках "Сталіца" нагаварыла не проста на поўны метр, правяла больш за 9 тыс. дзён сам-насам са слухачом. Марш-кідок ад абласной радыёстанцыі, якая вяшчае ўсяго дзве гадзіны за суткі, стаў пралогам выхаду ў FM-дыяпазон і ганаровага статусу нацыянальнай. Сёння ў вялікай радыйнай сям'і на Чырвонай, 4 у цёзкі Мінска цвёрдае серабро эфірнай гонкі. За кантэнтам стабільна сочаць 205 хвілін у дзень. Свежая тыднёвая аўдыторыя - 62 тыс. слухачоў.
Уладзімір Казакоў, дырэктар радыё "Сталіца":
Радыё споўнілася 25 гадоў, здавалася б, пастарэлі, але насамрэч, датычна нашага эфіру, ён маладзее. Мы ведаем зараз нашага слухача і імкнёмся зрабіць для яго тое, што ён просіць. Дзякуючы медыявымяральнікам, усё відавочна. Беларус стаў больш слухаць радыё. Зараз штосутачная аўдыторыя радыё - 800 тыс. слухачоў.
У ДНК ужываюцца і ўжываюць слова "нацыянальнае" і якасны рок. Абодва пункты робяць станцыю адзіным гульцом з такімі характарыстыкамі на FM-медыярынку Беларусі. Калі на гарачае падаюць інфармацыйны кантэнт: штогадзінныя навіны, адукацыйныя, культурна-асветніцкія прадукты. У топе флагманаў - сіла прыцягнення - брыльянтавы лікбез ад нашых рэгіёнаў. На дэсерт - музычна-забаўная сімфонія.
Усе акустычныя па заснаваны на рэальных сюжэтах. Захавальнікі важкіх аўдыяхронік знаёмяць з "лініямі лёсу" Івана Мележа, Янкі Маўра, песняра Уладзіміра Мулявіна. Вучаць парыраваць на мове сінонімаў.
Захоўваючы беларускае слова на "ты" са сваёй аўдыторыяй. Сёння вядучыя тэмбры ангажавалі гасцей ратацыі ва ўтульныя інтэр'еры Дома радыё.
Свае 25 сустракаюць у студыі пад акампанемент беларускай школы выканаўцаў. Пра крызіс жанру тут не чулі. "Сталіца" - жаданы госць і відэахостынгаў, і ўсіх сацыяльных сетак.
Антон Васюкевіч, генеральны прадзюсар Беларускага радыё:
Слухачы з цікавасцю ставяцца да ўсіх творчых ініцыятыў. Зусім нядаўна мы пачалі асвойваць TikTok і дзіва-дзіўнае, канешне ж, але ў TikTok цікавасць менавіта да беларускамоўнага кантэнту вялікая. Як толькі з'явіліся першыя ролікі, у іх з'явіліся і першыя дзясяткі тысяч праглядаў. Гэта сведчыць пра тое, што ў нашай краіне да беларускага кантэнту, да нашых беларускіх традыцый, да беларускай мовы вельмі вялікая цікавасць.
Пад новыя лічбы - свежы візуал і функцыянал - "Сталіца" аднавілася віртуальна. Мадэрнізацыя сайта - за галоўнай дырэкцыяй інтэрнэт-вяшчання Белтэлерадыёкампаніі. Цяпер анонс гучных эфірных прэм'ер за банэрнай рэкламай, з'явілася ўкладка падкасты, пазначылі зоны вяшчання.
Усё з аглядкай на фірменнае лога. Прыярытэтную сіне-блакітную гаму размалявалі жоўтымі і аранжавымі акцэнтамі. FM-праменад чакае адразу ў трох моўных версіях.
25 гадоў на высокай ноце - гэта і падстава стварэння новых эфірных сімфоній. У прэм'ерным студзеньскім сезоне вялікія радыйныя формы саступяць галоўную партыю кампактным рубрыкам. Запусцяць шоу, якое дапаможа кожнаму беларусу інтэлектуальна і прадуктыўна дабрацца з працы да дома. А гасцінны слоган "Слухай любімае" дапоўніць сталічны эксклюзіў - "Толькі для цябе".
