250 беларускіх мастакоў удзельнічаюць у фестывалі "Арт-Мінск"

Фестываль мастацтваў "Арт-Мінск" працягваецца ў сталіцы. Форум праходзіць чацвёрты раз. Яго ўдзельнікі - 250 беларускіх мастакоў, якія прадстаўляюць сваю творчасць у розных жанрах і кірунках - як у класічным, так і ў авангардным мастацтве. Акрамя асноўнай пляцоўкі - Палаца мастацтваў - фестываль ахапіў яшчэ сем лакацый.

Форум - месца сустрэчы старых сяброў, знаёмства з новымі імёнамі ў айчынным выяўленчым мастацтве. У праграме фестывалю - штодзённыя мерапрыемствы: выставы, прэзентацыі, перформансы. Свае вынікі "Арт-Мінск" падвядзе 26 верасня.