Трагедыю Хатыні ўспамінаюць сёння ў Беларусі. 22 сакавіка 1943 года карны атрад назаўжды знішчыў вёску. 149 жыхароў былі расстраляныя або згарэлі жывымі, у тым ліку 75 дзяцей.
У памяць аб падзеях Вялікай Айчыннай вайны і ахвярах сярод мірнага насельніцтва ў мемарыяльным комплексе тысячы наведвальнікаў. Ускладзены кветкі ад афіцыйных дэлегацый і працоўных калектываў, замежных гасцей.
Вечны агонь і скульптура "Непакораны чалавек", царква Раства Прасвятой Багародзіцы і новы музей - маршрут неабыякавых праходзіць па мадэрнізаваным комплексе. Маштабную рэканструкцыю правялі напярэдадні 80-й гадавіны Хатынскай трагедыі.
