Сёння стануць вядомыя імёны апошніх трыумфатараў II Гульняў краін СНД. Сем гарадоў, восем відаў спорту. Чатырнаццаць камплектаў узнагарод будуць разыграныя ў віцебскім Летнім амфітэатры.
На спаборніцтвах па тайландскім боксе гаспадары мультыспартыўнага форуму ўжо правялі некалькі фіналаў. У юніёрак у вагавой катэгорыі да 51 кг Валерыя Хвацік супрацьстаяла расіянцы Аліне Герасімавай і пры падтрымцы трыбун беларуска заваявала золата дамашняга форуму.
А следам у вагавой катэгорыі 60 кг беларуска Лізавета Жыгера выйшла на рынг супраць атлеткі з Расіі Алены Надолькі. Але тут саперніца была мацнейшай - беларуска заваявала серабро турніру.