Агавы, хавортыі і "жывыя камяні". Акунуцца ў лета і азнаёміцца з рэдкімі раслінамі можна ў Батанічным садзе. Усяго на тры дні (з 14 па 16 студзеня) упершыню прыадчыняць дзверы ў калекцыйны фонд. Наведвальнікі ўбачаць звыш васьмі соцень відаў і сартоў сукулентаў. Мінчан і гасцей сталіцы здзівяць не толькі разнастайнасцю кактусаў, але і іншымі эксклюзіўнымі відамі гэтых раслін.
Каб поўнасцю акунуцца ў лета, спецыялісты правядуць экскурсію і па аранжарэі цытрусавых. Там можна ацаніць разнастайнасць сартоў цытрын, апельсінаў, мандарынаў і грэйпфрутаў. У калекцыі іх больш за сотню відаў, пры гэтым чатыры ўласнай селекцыі.
