Сёння каля Палаца спорту адкрылася самая вялікая зона гасціннасці ў сталіцы. Гандлёвая пляцоўка зможа адначасова прыняць 2 тысячы гасцей. Пачастункі прапануюць на любы густ і кошт - шашлык, бліны з ікрой і заўсёды свежая выпечка. Абслугоўваць наведвальнікаў будуць 27 арганізацый гандлю і грамадскага харчавання.
Для хакейных балельшчыкаў горад падрыхтаваў шэраг культурных мерапрыемстваў. У дні адкрыцця і закрыцця чэмпіянату ў кожнай з зон гасціннасці, якія, нагадаем, знаходзяцца каля Палаца спорту, на праспекце Дзяржынскага і на вуліцы Прытыцкага каля Лядовага палаца, падрыхтаваныя цікавыя музычна-забаўляльныя праграмы, якія працягнуцца амаль да 3 гадзін ночы.
Падчас чэмпіянату свету па хакеі ў Мінску адбудзецца шмат разнастайных творчых праектаў, сярод якіх Ноч музеяў, форум вулічных тэатраў і разнастайныя мастацкія выставы на адкрытых пляцоўках.
