Будаўніцтва першага ўжо завяршаецца. Кошт квадратнага метра каля 6 мільёнаў. Побач з гэтым домам, дарэчы, пачалося і ўзвядзенне дзіцячага сада. Праект забудовы ўсяго раёна для мінчан распісаны аж да 2020 года. У гарадах-спадарожніках абяцаюць стварыць камфортныя ўмовы: пабудаваць школы, магазіны, паліклінікі і нават новыя вытворчасці. Акрамя гэтага, будуць развівацца і транспартныя сеткі - да цэнтра сталіцы будуць рэгулярна курсіраваць маршруткі і аўтобусы.
Таццяна Пыко, намеснік начальніка галоўнага ўпраўлення архітэктурай, навуковай і інавацыйнай палітыкай міністэрства архітэктуры Беларусі: У праекце ўказу закладзена, што будзе забяспечаная транспартная сувязь адпаведна графіку працы гарадскога транспарту. Усе гэтыя гарады адпавядаюць патрабаванням праекта ўказу, што яны размешчаныя на адлегласці да 60 кіламетраў, колькасць жыхароў больш за 6 тысяч.
Праект забудовы кожнага горада - спадарожніка Мінска ўжо гатовы - праўда, пакуль толькі на паперы. Яны будуць кардынальна адрознівацца адзін ад аднаго. У кожнага будзе свая спецыфіка развіцця - турыстычная, прамысловая або аграрная.
