Штодзень стабілізацыйныя фонды цэнтральнага рэгіёну папаўняюцца 50 000 тонамі бульбы, морквы, буракоў і яблыкаў. Аднак сабраць ураджай - палова справы, захаваць харчовыя запасы - вось галоўная мэта аграрыяў.
Колькі з'ядаюць жыхары вобласці за зіму садавіны і агародніны і ці змогуць яны ў маі набыць беларускіх яблыкаў - адказы на гэтыя пытанні шукаў Аляксандр Харавец. Валянціна Раманаўна, аграном - садавод сельскагаспадарчага прадпрыемства Усход, штодзень збірае каля паўтоны яблыкаў. Гаворыць, уборка садавіны як аграньванне алмаза - так жа адказна.
У гаспадарцы Усход пад яблыневыя сады сёлета адвялі 120 гектараў. Поспех, Антэй, Весяліна, Вербнае - усе гатункі, а іх больш за 30, айчыннай селекцыі. Дрэвы падрыхтаваны да кліматычных умоў Беларусі, і ўжо ў першы год плоданашэння даюць да 10 кілаграмаў садавіны.
Захоўваць ураджай звозяць у сучаснае сховішча. Штодзень у гэта сховішча для агародніны закладваецца каля 20 тон яблыкаў. За сезон - больш за 1000. Для кожнага гатунку асобная камера с пэўным клімат-кантролем.
Такі падыход дазваляе захоўваць карысныя плады амаль да новага ўраджаю. Таму набыць сакавітыя яблыкі па прымальных цэнах жыхары цэнтральнага рэгіёну змогуць нават у чэрвені.
Радуе ў гаспадарцы і ўраджай другога хлеба. Аграрыі разлічваюць сабраць каля 15 000 тон бульбы. 50% карняплодаў адразу ідуць на прылаўкі сталічных магазінаў. Прычым у расфасаваным выглядзе па 2, 3 5 і 25 кілаграмаў.
Такім чынам, рэгіён на 100% забяспечваецца бульбай і яблыкамі. Нашымі, беларускімі. Суседства на прылаўках магазінаў з імпартнымі пладамі - не больш як умова і магчымасць рынку. Як гавораць, на любы кашалёк і густ.
