Прахожыя фатографы ў лесе выпадкова натыкнуліся на вальеры з жывёламі.
Наш карэспандэнт Наталля Кезік праз некалькі дзён адправілася ў міні-заапарк, каб убачыць на свае вочы, як зараз пажываюць тры мядзведзі з Чырвонай кнігі.
Гэта відэа ўскалыхнула чытачоў Байнета не на жарт. Матэрыял пад назвай Сям'я бурых мядзведзяў гіне пад Маладзечнам з'явіўся ў пачатку тыдня. На фотаздымках і аматарскім відэа - сям'я брудных мішак. На заклік аб дапамозе адразу ж адгукнуліся журналісты і абаронцы жывёл.
З праблемай ачышчэння вальер згаджаецца і начальнік аховы эксперыментальнай базы. Каб прыбраць у клетцы, трэба было раздзяліць сям'ю. Не хапала дадатковай вальеры, каб перагнаць бурага і вычысціць яго клетку. Гэта ж зрабіць з мамай і маленькім медзведзянём. Папаўнення ў сям'і жывёл энергетыкі чамусьці проста не чакалі. А калі мядзведзіца нарадзіла маленькага, адразу пачалі будаўніцтва.
Каб убачыць на свае вочы няшчасную сям'ю мядзведзяў, наша здымачная група адправілася ў Маладзечанскі раён. Праз два дні пасля з'яўлення ў Інтэрнэце матэрыялу пра тое, што пад Маладзечнам гіне сям'я мядзведзяў, уладальнікі тэрыторыі пашырылі вальеру, і цяпер прыбіраць бярлогу ім ніхто не перашкаджае. Акрамя вальеры, да прыезду здымачнай групы мішак прывялі ў парадак - памылі і клеткі вычысцілі. Мядзведзі на тэрыторыі гаспадаркі жывуць ужо шэсць гадоў, а першыя жывёлы з'явіліся тут ужо з дзясятак гадоў таму. Тым не менш, пасады даглядчыка за жывёлінамі ніхто тут не прыдумаў. За гаспадаркай сочаць, як кажуць, хто як умее.
Але, нягледзячы на тое, што прычапіцца на месцы візуальна цяпер няма да чаго, Міністэрства прыродных рэсурсаў і аховы навакольнага асяроддзя пачало праверку гэтага міні-заапарка і законнасці ўтрымання чырвонакніжных на тэрыторыі. Спецыялісты сталічнага заапарка таксама ўжо выказалі сваё меркаванне - асцярогі журналістаў былі дарэмнымі. На той момант жывёлы былі проста карэлымі, таму і выклікалі такую рэакцыю. Але менавіта гэта рэакцыя дазволіла ўладальнікам міні-заапарка імгненна знайсці і грошы, і сілы, каб дабудаваць вальеру, вычысціць клеткі і вымыць іх жыхароў. Але абаронцы жывёл сцвярджаюць: гэтыя вальеры звярам не падыходзяць.
Сталічны і Гродзенскі заапаркі прыняць да сябе сям'ю бурых адмовіліся. Ды і гаспадары не вельмі ахвотна жадаюць развітвацца з мішкамі. Запэўнілі, што для салодкага жыцця жывёл гатовыя расшырыць вальеры. Адмаўляюць наадрэз уладальнікі і версію журналістаў, што мядзведзяў тут выкарыстоўвалі для прытраўкі сабакам. У тым, што гэта няпраўда, мы пераканаліся асабіста. Мядзведзі дружалюбна сустракаюць людзей, бяруць хлеб з чалавечых рук і вельмі любяць прымаць душ з пажарнага брандспойту. Але кропку ў гэтай гісторыі паставіць нельга. Канчаткова лёс чырвонакніжных бурых мядзведзяў вырашыцца пасля дэтальнай праверкі Міністэрствам прыродных рэсурсаў.
