Яны збераглі сотні жыццяў на вадзе, у агні і на сушы. Сёння ў Беларусі Дзень пажарнай службы - прафесійнае свята ратавальнікаў. Упраўленне Міністэрства па надзвычайных сітуацыях Мінскай вобласці адно з самых буйных. Апошнім часам на ўзбраенні ў ратавальнікаў самая сучасная тэхніка, а працуюць спецыялісты высокага ўзроўню падрыхтоўкі. Дзень у экстрэмальных умовах правёў і наш карэспандэнт Аляксей Кандраценка.
Буйная аварыя на чыгунцы, гараць цыстэрны з нафтапрадуктамі. Праз лічаныя хвіліны ў бой уступаюць пажарныя разлікі. 10 хвілін і пагроза ліквідаваная.
Працаваць звышаператыўна ў самых складаных умовах дазваляе і новая тэхніка.
Гэтая машына - сапраўдны недарожнік-экстрэмал, у які ўмяшчаецца 10 тон вады. Гэта самы вялікі аб'ём сярод іншых, а гэта значыць яго эфектыўнасць у некалькі разоў больш.
У такіх умовах праходзяць заняткі ў навучальным цэнтры Мінскага абласнога ўпраўлення МНС. Асноўная ўмова прыёму - выдатная фізічная форма і жаданне служыць ратавальнікам.
Арцём Мар'енка, слухач навучальнага цэнтра Мінскага абласнога ўпраўлення МНС Беларусі:
Мы тут толькі тры тыдні, але вынікі ўжо ўражваюць. Падрыхтоўчыя курсы ў нас добрыя. У будучыні ўяўляе сябе ў гэтай спецыяльнасці, збіраюся паступаць у Гомельскі інжынерны інстытут.
Навабранцы атрымліваюць спецыяльнасць у Заслаўі і праз тры месяцы гатовыя да рэальнай службы.
Дзмітрый Чопка, начальнік навучальнага цэнтра Мінскага абласнога ўпраўлення МНС Беларусі:
За гэты перыяд слухачы атрымліваюць навыкі падрыхтоўкі па тушэнні пажараў, правядзенні аварыйна-выратавальных работ, аказанні першай меддапамогі. Наш цэнтр вядучы ў Рэспубліцы Беларусь.
Уцечка ацэтону прыводзіць да пажару. Ратавальнікі з Маладзечна на месцы. Так працуе пажарны аварыйна-выратавальны атрад. Маладая, але шматпрофільная структура.
Леанід Малашка, начальнік пажарнага аварыйна-выратавальнага атрада Мінскага абласнога ўпраўлення МНС Беларусі:
Гэта пажарна-выратавальная служба, медыцынская, хімічнай і радыяцыйнай абароны, вадалазная і выбухова-тэхнічнага служба.
Заўтра ж у сталіцы будзе не менш шумна і відовішчна, але з добрай нагоды. У гонар Дня пажарнай службы пройдзе парад з удзелам тэхнікі МНС. Час і месца сустрэчы: 11 гадзін, парк імя Горкага і плошча Перамогі.
